പുഴ

ഞാനൊരു പുഴയാകുന്നു.
ഇടക്ക് വരണ്ട് ശോഷിച്ചും ഇടക്ക് നിറഞ്ഞ് കവിഞ്ഞും
ഒഴുകുന്ന പുഴ !
കത്തുന്ന വേനലിലും കണ്ണീരുപ്പു കൊണ്ട്
സ്വയമൊരു കടലു തീര്‍ക്കും.
ആര്‍ത്തലക്കുന്ന വര്‍ഷത്തിലും അടിയൊഴുക്കുകളെ 
സമര്‍ത്ഥമായി ഒളിപ്പിച്ചുകൊണ്ട്
സൗമ്യ ഭാവം നടിക്കും.
ഞാനൊരു പുഴയാകുന്നു.
മരുഭൂമികളും മലയോരങ്ങളും കടന്നൊരു നാള്‍ 
കടലുകളെ കവച്ചൊഴുകുന്നത് 
സ്വപ്‌നം കാണുന്നൊരു പുഴ! 

കാലം

കരയുടെ നിമ്‌നോന്നതകള്‍ക്കനുസരിച്ച് മാത്രമേ പുഴക്ക് ഒഴുകാന്‍ കഴിയൂ...